អេស្ប៉ាញ៖ ក្រោយរង់ចាំរយៈពេលយូរ ទីបំផុត Lionel Messi បានសម្រេចបន្តកុងត្រាជាមួយក្លិបអ្នកមានបុណ្យ Barcelona ហើយ រហូតដល់ឆ្នាំ២០២១។
ក្លិបយក្សរបស់ប្រទេសអេស្ប៉ាញ Barcelona បានបន្តកុងត្រាថ្មីជាមួយ Lionel Messi ដើម្បីឲ្យកីឡាករវ័យ៣០រូបនេះ លេងជាមួយក្លិបរយៈពេល៤ឆ្នាំទៅមុខទៀត ហើយក្នុងនោះថ្លៃឈ្នួលពលកម្មរបស់ Messi បានកើនដល់ ៥០០,០០០ ផោនក្នុងមួយសប្តាហ៍ (៦៤៦,៦១៣ ដុល្លារ) ។
គួរបញ្ជាក់ថា Messi បានធ្វើឲ្យអ្នកគាំទ្រក្លិប Barcelona មានការព្រួយបារម្ភផងដែរចំពោះបញ្ហាបន្តកុងត្រាលេងជាមួយក្លិបនេះ ប៉ុន្តែយ៉ាងណាក៏ដោយ អ្វីៗត្រូវបានប្រសើរឡើងវិញ ក្រោយពីខ្សែប្រយុទ្ធសញ្ជាតិអាហ្សង់ទីនរូបនេះ ចុះកុងត្រាថ្មី នៅជាមួយក្លិប Barcelona ដល់ឆ្នាំ២០២១ ។
បន្ថែមពីនេះទៀត ជាមួយនឹងការបន្តកុងត្រាថ្មីនេះ Messi នឹងមានតម្លៃខ្លួនរហូតដល់ ២៦៤លានផោន (៣៤១លានដុល្លារ) បើសិនមានក្លិបណាមួយ ចង់បានកីឡាកររូបនេះយកទៅលេង៕
